قوباد تاڵەبانی: یەكێتی رانەهاتوە بە کۆڵدان
قبل -13 دقیقة
جێگری سەرۆكوەزیران لەڕۆژی شەهیدی یەكێتی پەیامێكی بڵاوكردەوە و رایگەیاند، " یەكێتی رانەهاتوە بە کۆڵدان، سەرکەوتن لە چارەنوسیدا نوسراوە".
قوباد تاڵەبانی جێگری سەرۆكوەزیران بەبۆنەی رۆژی شەهیدی یەكێتییەوە لەپەیامێكدا دەڵێت، "یەکێتی کە دڵۆپ دڵۆپ خوێنی شەهیدان بە دەمارەکانیدا دەگەڕێت، رانەهاتوە بە کۆڵدان و سەردانەواندن و سەرکەوتن لە چارەنوسیدا نوسراوە".
ئاماژەی بەوەشكردووە، "رێبازێک کە بە خوێنی گەش و پیرۆزی 27 هەزار شەهید نەخشێندرابێت، بە مانای وشە رێبازی گەل و خاکی کوردستانە، هەربۆیە یەکێتی کە دڵۆپ دڵۆپ خوێنی شەهیدان بە دەمارەکانیدا دەگەڕێت، رانەهاتوە بە کۆڵدان و سەردانەواندن و سەرکەوتن لە چارەنوسیدا نوسراوە."
قوباد تاڵەبانی دەشڵێت، "لە رۆژی شەهیدی یەکێتیدا پەیمان نوێدەکەینەوە لەگەڵ خوێنی شەهیدەکانمان و کەسوکاری سەربەرزیان کە رێگاکەیان بەرنادەین و یەکێتی بۆ هەمیشە لە بەرەی داکۆکیکردن لە خەڵک و پاراستنی خاکی کوردستاندا دەمێنێتەوە."