سەرەکی هەواڵ کوردستان

"ئەوانەی گرەویان لە سەر پەرتبوونی شیعە دەکرد کەوتن"

پێش 2 کاتژمێر

سەرکردەیکی شیعەی سەر بە هاوپەیمانێتییەکەی محمەد شیاع سوودانی دەڵێت، "ئەوانەی گرەویان لەسەر پارچە پارچەبوونی چوارچێوەی شیعی دەکرد خۆیان کەوتن".

بەها ئەعرەجی ئاماژەی بەوەشکردووە، پێوەرەکانی دیاریکردنی سەرۆکوەزیران شایستە نییە و نابێ دەستکەوتەکانی سوودانی لە سەر ئاستی ناوخۆ و دەرەوە نادیدە بگیرێت.

جەختیش لەوە دەکاتەوە، ئەگەر پۆستی سەرۆکوەزیران نەدرێتەوە سوودانی نابنە ئۆپۆزسیۆن، چونکە سەرۆکوەزیران لە چوارچێوەی شیعی دەمێنێتەوە و ئەوانیش بەشێکن لە چوارچێوەکە.

لەدوای بەڕێوەچوون و راگەیاندنی ئەنجامی کۆتایی هەڵبژاردنی خولی شەشەمی پەرلەمانی عێراق، جوڵەی لایەنەکان بە ئاراستەی دروستکردنی گەورەترین کوتلە و دیاریکردنی سەرۆک وەزیران دەستیان پێکردووە.

رکابەرییەکی قورس لەنێوان هاوپەیمانێتییەکەی سوودانی کە 46 کورسی بردەوە و چوارچێوەی هەماهەنگی هەیە بۆ دیاریکردنی سەرۆک وەزیران، سوودانی دەیەوێت و ویلایەتی دووەم وەربگرێتەوە و لەناو چوارچێوەش نوری مالیکی سەرۆکی هاوپەیمانیی دەوڵەتی یاسا چاوی لە پۆستەکەیە، لەپاڵ ئەمانەشدا ناوی چەندین سەرکردەی دیکە بۆ وەرگرتنی پۆستەکە دەهێنرێت، بەڵام سوودانی و مالیکی دیارترینیانن.

سیاسی